Doxa Deo Auckland Afrikaans

Die meeste van ons het al probeer om die Christelike lewe te leef op 'n manier wat dit nooit bedoel was om te werk nie. Ons maak beloftes, probeer harder, skiet tekort, voel skuldig, en herhaal die siklus weer van voor af. Iets voel uit plek uit, en ons wonder stilletjies of ons dalk net nie daarvoor gemaak is nie.
Hierdie is waaroor ons vandag praat: Dis nie ń “Jy-probleem” nie. Dis ń “Op-wie-steun-jy probleem”.
Ons gaan in Johannes 14 wees, en kyk na die Persoon wat Jesus gesê het Hy stuur toe Hy vertrek het. As jy geestelik droog voel, of vasgevang in dieselfde patrone, of asof jou geloof iets is wat jy bestuur eerder as iets wat werklik lewendig in jou is, dan is hierdie boodskap vir jou.

Ons praat baie oor God die Vader en oor Jesus. Maar die Heilige Gees bly vir baie van ons vaag, 'n gevoel, 'n krag, iets wat net in die kerk gebeur. Die Bybel gee 'n heeltemal ander prentjie. Die Heilige Gees is 'n Persoon. Hy woon in elke gelowige. En Hy is jou Voorspraak, jou regsadvokaat, wat 24 uur per dag langs jou staan en jou saak bepleit teen vrees, skuld, selfhaat en leuens. Hierdie week begin ons 'n vier-week reis om te ontdek wie die Heilige Gees werklik is en wat dit prakties beteken vir jou alledaagse lewe

Dit is maklik om mense lief te he wat lief is om lief te he. Maar wat van die mense buite jou kring? Die mense wat anders is, die mense met 'n ingewikkelde geskiedenis, die mense wat jou ongemaklik maak? Die gelykenis van die Barmhartige Samaritaan is een van die bekendste verhale in die Bybel, maar dit is ook een van die mees ongemaklike. Hierdie boodskap sal jou uitdaag om anders te kyk na die mense rondom jou wat jy dalk al lank verbystap.

Hemelvaart herinner ons aan Jesus se opstanding en Sy terugkeer na die hemel. Dis ń Kragtige bevestiging van Sy heerskappy en die hoop wat ons in Hom het.

Deur die verhaal van die vrou wat in owerspel betrap is in Johannes 8, wys Jesus ons dat liefde op drie onderskeibare maniere uitgedruk word: deur Genade, deur Waarheid en deur Geregtigheid. Hierdie drie pilare werk saam en roep ons op om 'n fundamentele verskuiwing te maak: van 'n ek-gefokusde ingesteldheid na 'n mekaar-gefokusde ingesteldheid, want dit is die grondhouding waaruit liefde groei.